Жасанды интеллект технологиясын қарқынды дамыту керек. Жыл соңына дейін оның кейбір тұстарын Электронды үкімет жүйесіне енгізу қажет.
Үкіметке мемлекеттік органдар мен ұлттық компанияларға жасанды интеллект технологиясын енгізу жұмысын қолға алуды тапсырамын.
Интернет-платформаларда арандатушылық сипаттағы ақпарат таратқаны үшін жауапкершілікке тартуды заңмен бекіту мәселесін ойластыру керек.
Жыл сайын 20 мыңнан астам интернет-алаяқтық фактісі тіркеледі (оның 80 пайызға жуығы әшкереленбейді). Сондықтан Үкімет азаматтардың жеке деректерін қорғауды мейлінше қамтамасыз етуі керек.
