Сауда базарларын жаңғырту мәселесі Сауда және интеграция министрлігінің ерекше бақылауында. Жалпы елдегі базарларды жаңғырту 10 жыл бұрын басталған. 2015 жылы Сауда қызметін реттеу туралы заңға түзетулер енгізіліп, оған сәйкес ашық базар иелері 2020 жылға қарай шыны және бетоннан жасалған ғимараттарға ауысуы міндеттелді. Алайда аталмыш шаралар кейінге шегерілді. Бұл мерзім облыстар үшін - 2025 жылға дейін, Астана, Алматы және Шымкент қалалары үшін - 2023 жылға дейін бекітілді. ҚР СИМ Сауда комитетінің төрағасы Айдар Әбілдабеков ОКҚ алаңында әкімдіктер тарапынан бақылаудың жеткіліксіздігінен, пандемия кезінде құрылыс материалдарының қымбаттауы секілді бірқатар объективті себепке байланысты базарларды жаңғырту жұмыстары мерзімінде аяқталмағанын айтты. Нәтижесінде жаңғырту мерзімі 3 рет ауыстырылды (2018, 2021,2023 жылдар), деп хабарлайды No-comment.kz - Қазақстан Республикасының Президенті жанындағы Орталық коммуникациялар қызметіне сілтеме жасап.
«Бүгінгі таңда барлық сауда базарлары үшін жаңғыртудың бірыңғай мерзімі - 2025 жылғы 31 желтоқсаны болып заңнамамен белгіленген. Сауда базарларын жаңғырту жөніндегі 2025 жылға дейінгі Жол картасы бекітілді. Ұлттық статистика бюросының ресми мәліметтерге сай елімізде 644 базар бар. Оның ішінде әмбебап базарлар - 412, мамандандырылған базарлар - 233. Оның ішінде мыналар жаңғыртылды: 2025 жылға 100 базарды жаңғырту жоспарланған, оның ішінде: Астана қаласы - 7, Алматы қаласы - 10, Абай облысы - 3, Ақмола облысы - 1, Ақтөбе облысы - 2, Алматы облысы - 11, Атырау облысы - 4, ШҚО, Жамбыл облысы - 3, Жетісу облысы - 6, БҚО - 14, Қарағанды облысы - 5, Қостанай облысы - 4, Қызылорда облысы - 4, Маңғыстау облысы - 5 базарлары, Павлодар облысы, Түркістан облысы - 8, Ұлытау облысы – 2 базар»,-деді спикер.
Жол картасына сәйкес базарларды жаңғырту бойынша құрылыс жұмыстары жүріп жатыр, жұмыс жобалары, эскиздік жобалар мен жобалау- сметалық құжаттамалар әзірленуде. Қажетті құжаттар келісіліп, бекітіліп жатыр, топотүсірілім жүргізілуде, сондай-ақ аумақтарды қоршау, қойма үй-жайларын бұзу және тағы басқа жұмыстар жүргізіліп жатыр.
Сауда базарларының жай-күйін бағалау үшін Министрлік өкілдері биыл ақпан сәуір айларында базарларды аралау кестесін бекітті. Сапар барысында барлық өңірдің базарларын егжей-тегжей түгендеу жұмысы жүргізіледі. Бұл жұмыс әкімдіктер, мемлекеттік кірістер, төтенше жағдайлар, мемлекеттік сәулет-құрылыс бақылау және СЭС органдарының өкілдерімен бірлесіп жүргізіледі.
«Базарларды жаңғырту - бұл бірінші кезекте бизнестің әлеуметтік жауапкершілігі екенін ескеру қажет. Модернизиция тек сатып алушыларға ғана емес, сатушыларға да қолайлы және қауіпсіз жағдай жасайды. Әкімдіктер мен аумақтық сауда департаменттері жаңғыртуды уақытылы әрі сапалы жүргізу және модернизацияға кедергі келтіретін проблемалық мәселелерді жою бойынша жұмысты күшейтуі қажет»,-деді ведомство өкілі.
2026 жылғы 1 қаңтардан бастап әкімшілік құқық бұзушылық туралы заңнамаға сәйкес белгіленген мерзімде жаңғыртуды қамтамасыз етпеген сауда базарларының иелерін әкімшілік жауапкершілікке тарту жоспарланған.
