Қазақстанда сот сараптамасын жүргізу кезінде виртуалды аутопсияны енгізу жоспарланған. Сонымен қатар елімізде Сот сараптамалары орталығының аумақтық бөлімшелерінің жағдайы жақсарып келеді. Жалпы, сот сараптамасы қалай дамып жатқаны туралы ОКҚ алаңында Сот сараптамалары орталығы директорының м.а. Бақытжан Байтілесов айтып берді, деп хабарлайды No-comment.kz - Қазақстан Республикасының Президенті жанындағы Орталық коммуникациялар қызметіне сілтеме жасап.
«Мемлекет сот сараптамасына жоғары талаптар қояды, 2023 жылы Үкіметтің Орталық бөлімшелерін материалдық-техникалық жарақтандыруын жетілдіру бойынша Жол картасын бекітуі – бұған айқын дәлел. Нені атап өту маңызды? Біз алғаш рет Әділет министрлігі, жергілікті атқарушы органдар мен сот сараптамалары орталығы арасындағы сындарлы өзара іс-қимылдың мысалын көріп отырмыз. Әкімдіктер аумақтық бөлімшелерді нығайтуға тікелей қатыса отырып, процеске белсенді кірісті», – деді Бақытжан Байтілесов.
Спикердің айтуынша, жаңа жабдықтар күрделі заттарды, соның ішінде синтетикалық препараттарды талдауды жеделдетіп, сараптама мерзімін бір күнге дейін қысқартты. Өңірлердегі зертханалар ірі аймақ институттарының жүктемесін азайтып, зерттеулерді жедел жүргізіп жатыр. Сондай-ақ орталықтың аумақтық бөлімшелерінің инфрақұрылымын жақсарту жалғасуда.
«Жетісу облысындағы мәйітханаларда күрделі жөндеу жұмыстары аяқталды, Солтүстік Қазақстан, Түркістан, Жамбыл, Шығыс Қазақстан облыстарында да бұл жұмыстар белсенді жүргізіліп жатыр. Қарағанды және Ақмола облыстарында ғимараттарды жергілікті атқарушы органдардың балансына беру процесі іске қосылды, бұл оларды жөндеу мен жарақтандыруды жеделдетуге мүмкіндік береді. Осы мүмкіндікті пайдалана отырып, жергілікті атқарушы органдарға жол картасын іске асыруға белсенді қатысып, жан-жақты қолдағаны үшін алғыс білдіргім келеді, соның арқасында біз заманауи технологияларды сәтті енгізіп, сот-сараптама қызметінің сапасын жақсартамыз», – деп атап өтті ол.
Бақытжан Байтілесов хабарлағандай, сот сараптамасын дамытудың тағы бір маңызды бағыты виртуалды аутопсия сияқты инновациялық әдістерді енгізу болып табылады.
«Компьютерлік томографияны қолдануға негізделген бұл әдіс қызметкерлердің қайтыс болған адамның инфекциясын жұқтыру қаупін болдырмайтын және ұлттық және діни дәстүрлерге қатысты этикалық қайшылықтарды жоятын, мәйітті тілмей, сот-медициналық зерттеулер жүргізуге мүмкіндік береді. Біз бюджеттік шығындарды азайту үшін демеушілерді тарта отырып, Сот сараптамасы орталығының бөлімшелерінің бірін жарақтандырып, сот-медициналық сараптамаға виртуалды аутопсияны енгізу бойынша пилоттық жобаны жоспарлап отырмыз», – деп түйіндеді Бақытжан Байтілесов.
