Сот сараптамалары орталығы директорының м.а. Бақытжан Байтілесов ОКҚ алаңында өткен баспасөз конференциясында Сот сараптамалары орталығының ақпарттық жүйесін жетілдіру мәселесіне тоқталды. Оның мәлімдеуінше, бұл бағыттағы негізгі қадамдардың бірі ҚР Әділет министрлігі әзірлеген «Е-сараптама» ақпараттық жүйесін енгізу болды, деп хабарлайды No-comment.kz - Қазақстан Республикасының Президенті жанындағы Орталық коммуникациялар қызметіне сілтеме жасап.
«Е-сараптаманы» сотқа дейінгі тергеп-тексерулердің бірыңғай тізілімімен интеграциялау сараптамаларды тағайындау процесін едәуір жеңілдетті. Алайда, қазіргі жағдайда автоматтандыру мен аналитиканың одан да жоғары деңгейі қажет. Сондықтан зерттеулердің дәлдігі мен жылдамдығын арттыру үшін жасанды интеллект технологияларын қолданатын «Е-сараптама 2.0» құру жұмыстары жүргізілуде. Бұл жаңғырту жүргізілетін сараптамалардың сапасы мен жеделдігінің жоғары стандарттарын қамтамасыз ете отырып, Қазақстанның сот-сараптама қызметін дамытудағы маңызды кезең болады», – деді спикер.
Сот-сараптама институтын дамыту және нығайту жөніндегі жұмыс одан әрі жалғасады.
