Алматыда прокуратура, полиция және белсенділер бірлесіп, есірткі жарнамасына қарсы рейд жүргізді. Тұрғын үйлер мен ғимараттарды аралау кезінде интернет-дүкендердің сілтемелері жазылған заңсыз граффити анықталып, жойылды.
Ұсталғандарға қатысты шаралар қабылдануда. Прокуратура тұрғындарды мұндай деректерді жасырмай, құқық қорғау органдарына хабарлауға шақырды.
2025 жылдың алғашқы төрт айында елімізде есірткіге қатысты 3 мыңға жуық құқықбұзушылық тіркеліп, оның 828-і сату дерегі болған. Заңсыз айналымнан 3,5 тонна есірткі тәркіленген, оның ішінде 259 кг синтетикалық заттар мен 2 тонна марихуана бар.
Алматы қаласының прокуратурасы азаматтарды осындай жарнаманы орналастыру фактілерін белсенді түрде хабарлауға және есірткінің таралуына немқұрайлы қарамауға шақырады.
No-comment.kz
