«Референдум-2026» онлайн-марафоны барысында Зияфет Аббас Оглу Аскеров – Әзербайжан Республикасы Милли Мәжілісі төрағасының орынбасары, ТМД Парламентаралық Ассамблеясы (ТМД ПАА) атынан халықаралық байқаушылар тобының үйлестірушісі – дауыс беру үдерісінің халықаралық стандарттарға сәйкестігі туралы айтып, сайлаушылар белсенділігін бағалады.
«Біздің Қазақстанға келгенімізге үшінші күн болды. Бүгін таңертең бақылау жұмысымызды бастап, бірнеше сайлау учаскесіне бардық. Соның алғашқысы – №128 учаске. Біз учаскенің ашылуына қатыстық. Барлығы ашық, әділ және Қазақстан Республикасы заңнамасына сәйкес өтті. Барлығы жоғары деңгейде ұйымдастырылған, әсеріміз жақсы», – деді Зияфет Аббас Оглу Аскеров.
Оның айтуынша, сайлаушылардың көңіл күйі жақсы. Халықаралық байқаушылар олармен әңгімелесуге де мүмкіндік алған.
