ШЫҰ Бас хатшысының орынбасары Т.Р. Мидхунның айтуынша, байқау Астана қаласы мен Ақмола облысында жүргізіліп жатыр.
«Миссия мүшелері сайлау учаскелеріне еркін барып, бақылау бағыттарын өздері анықтай алады. Жұмысымызды жүргізуге барлық қажетті жағдай жасалған. Дауыс беру аяқталғанға дейін ШЫҰ миссиясы қандай да бір түпкілікті баға мен қорытынды бермейтінін ерекше атап өткім келеді. Біздің бүгінгі міндетіміз – сайлау процесінің барлық кезеңін мұқият бақылау және миссия мүшелерінің жеке байқаулары мен жинақталған нақты деректер негізінде объективті пікір қалыптастыру. Дауыс беру аяқталғаннан кейін де миссия мүшелері жұмысын жалғастырады. Атап айтқанда, сайлау учаскелерінің жабылуын және заңнамада көзделген рәсімдердің орындалуын бақылайды. ШЫҰ миссиясының қорытынды бағасы бақылау жұмыстары аяқталғаннан кейін қалыптастырылып, 24 тамызда өтетін баспасөз конференциясында жарияланады», – деді спикер Халықаралық байқаушыларға қолғабыс көрсету орталығында өткен баспасөз конференциясында.
