Балқаш металлургтері өндірістен қол үзбей дауыс беруде

Бүгін, 23 тамызда Балқаш мыс балқыту зауытының қызметкерлері дауыс беруге қатысуда.

Кәсіпорындағы өндірістік үдеріс қалыпты режимде жалғасып жатыр. Ауысымда металлургтер, энергетиктер, жөндеушілер және зауыттың үздіксіз жұмысын қамтамасыз ететін өзге де өндірістік бөлімшелердің қызметкерлері еңбек етуде.

Ауысымдық жұмыс кестесін ескере отырып, қызметкерлердің өндірістік үдерістен қол үзбей өздерінің сайлау құқығын жүзеге асыруына қажетті жағдай жасалған.

Күні бойы кәсіпорын қызметкерлері өздеріне қолайлы уақытта дауыс беруге қатыса алады.

Балқаш мыс балқыту зауыты үшін бүгін жұмыс орнында жүрген және елдегі маңызды металлургиялық кәсіпорындардың бірінің тұрақты жұмысын қамтамасыз етіп отырған қызметкерлерге дауыс беруге мүмкіндік жасау маңызды.