Әрбір азаматтың таңдауы елдің саяси және қоғамдық дамуына ықпал етеді. Сайлауға қатысу – тек дауыс беру рәсімі емес, мемлекеттің болашағына қатысты азаматтық ұстанымды білдіру мүмкіндігі.
Конституцияда азаматтардың мемлекеттік органдар мен жергілікті өзін-өзі басқару органдарын сайлауға және оларға сайлануға құқығы бекітілген. Бұл қағида халықтың ел басқару ісіне қатысуына құқықтық негіз қалыптастырады.
Түркістан облысында тұрғындардың сайлау мәдениетін арттыру, жастардың азаматтық белсенділігін қолдау және сайлау үдерістері туралы ақпараттандыру жұмыстары маңызды. Әсіресе, алғаш рет дауыс беретін жастардың құқықтары мен жауапкершілігін түсінуі ерекше мәнге ие.
Саналы таңдау – жауапты қоғамның белгісі. Әр азамат өз дауысын ел дамуына қосқан үлесі ретінде бағалауы керек.
