«Ауылыңның маңында төбе болса, ерттеулі тұрған атпен тең. Ақылгөй қария болса, жазып қойған хатпен тең» - дейді дана халқымыз. Себебі, қарттарын қадірлеген ел ардақты, қариясы бар ел қазыналы. Қайраты мен жігерін Отаны мен отбасына арнаған қартарымызға құрмет көрсету үлкенге құрмет, кішіге ізет деп бойына сіңірген қазақ ұрпағы үшін борыш.
Осы орайда, Сарыағаш ауданы ішкі саясат бөлімінің «Жастар ресурстық орталығы» КММ-нің ұйымдастыруыменен «Үйдегі қарияң – жазып қойған хатпен тең» қазыналы қарияларымызға қамқорлық көрсету мақсатында Сарыағаш қаласының тұрғыны, жалғызбасты ананың үйіне тазалық жұмыстары жүргізілді. Жалғызбасты ананың қыстық отындары дайындалып, үй шаруалары біршама реттелді.
