Мақтаарал ауданы ішкі саясат бөлімінің «Жастар ресурстық орталығы» КММ-нің психологы У.Махмұтова Мақтаарал ауданы бойынша Пробация бөлімінде есепте тұрған азаматтарға Психологиялық кеңес беру мақсатында семинар-тренинг өткізді.
Негізгі мақсаты: ауданында пробация қызметінің есебінде тұратын жастармен қоғамдық өмірге қатысу белсенділігі мен өзара қарым-қатынас мәдениетін арттыру, мінез-құлықтың әлеуметтік жағымды дағдыларын қалыптастыру.
Бұл тренингтің мақсаты – сотталғандарды жаңашылдыққа, инновациялық әдіс-тәсілдерді тәжірибелеріне енгізе отырып, логикалық ойлау қабілетін, шығармашылық ізденісін, ой-қиялын арттыру, жаңа қоғамдағы адамгершілік, патриотизм сезімдерін дамыту, сондай-ақ сотталғандардың эмоциялық көңіл күйлерін көтеру, топтасып жұмыс істеу жүйесін әрі қарай дамыту.
Шара барысында Пробация қызметінің есебінде тұрған әрбір жастың жеке басы жан- жақты зерделенді және тәрбиелік ықпал етуді жағымды қабылдауға және қоршаған ортаның жағымсыз ықпалын теріске шығаруға психологиялық дайындық дәрежесі анықталды. Мекеме психологтары сотталғандардың түзелуі мақсатында оның қоғамдық толық құқылы мүшесі әлеуметтік мәртебесі қалпына келуіне, тәртіптің жалпыға бірдей қабылданған нормалары мен құқық нормалары негізінде қоғамда өз бетінше өмір сүруіне оралуына көмектеседі.
