Бүгін түс мезгіліне дейін өткен жеке қабылдау барысында Алатау ауылдық округі Нысанбек елді мекенінен келген Қасымхан Өмірзақов мазаратқа баратын жолдың лагерь иелегіне өтіп, тұрғындардың бабалар рухына құран бағыштау мүмкіндігі болмай тұрғанына шағымданған болатын. Аудан әкімі Төлеген Телғараев тұрғындардың өтінішіне сәйкес, «Балдәурен-Түркістан» Республикалық оқу-сауықтыру орталығының филиал директоры Дәурен Босымбаевқа жолығып, елді мекен халқының өтінішін жеткізді.
Дәурен Әбдікерімұлы өз кезегінде туындаған мәселені шешу мақсатында бірлесіп жұмыс істеуге әзір екендігін айтып, игілікті іс қолдау табатындығына сенім білдірді. Тұрғындардың өтінішін назардан тыс қалдырмаған аудан әкімі Төлеген Тұртайұлы аталған мәселені дер кезінде заң аясында шешу бағытында жұмыстар жүргізіп, шешу жолдарын қарастыруда, деп хабарлайды Төлеби ауданы әкімінің баспасөз қызметіне сілтеме жасаған no-comment.kz.
ТӨЛЕБИ: ТҰРҒЫНДАР ӨТІНІШІ НАЗАРДАН ТЫС ҚАЛМАЙДЫ
