Тапсырманың орындалу мерзімінің ұзартылуына байланысты ормандарды молықтыру және қалпына келтіру жөніндегі кешенді жоспарлар қайта бекітілді.
Мемлекеттік орман қоры аумағында ормандарды молықтыру кезінде 1 және 2 жылдық көшеттер пайдаланылады. Көшеттердің жасы 1-2 ж.; биіктігі тұқымына қарай: жапырақты 10-30 см, қылқан жапырақты ағаштарда 15-50 см. Екпе көшеттер ормандарды қалпына келтіруде, сондай-ақ үлкен аумақтарда, материал бағасының төмендігі қажет болатын жаппай отырғызу кезінде қолданылады.
Республика бойынша барлығы 3178 га аумақта 251 орман питомнигі бар, онда қазіргі уақытта 280 млн. астам 1 және 2 жылдық көшеттер өсіріледі; орман заңнамасында мемлекеттік орман қорында аудандастырылмаған отырғызу материалын пайдалануға тыйым салынады.
Сонымен қатар, Мемлекет басшысының елді мекендер аумағында 15 млн ағаш отырғызу жөніндегі тапсырмасын орындау мақсатында облыстардың, Астана, Алматы, Шымкент қалаларының көгалдандыру бойынша өңірлік жоспарлары бекітілді.
2021-2025 ж. аралығында жыл сайын 3 миллионнан астам ағаш отырғызу жоспарланған. Жалпы, 2021 жылдан бастап 2024 жылға дейін барлығы 14,3 млн астам ағаш отырғызылды.
Елді мекендерді көгалдандыру үшін биіктігі 1 метр немесе одан үлкен көшеттер қолданылады. Көшеттердің жасы 2-4 ж.; биіктігі тұқымы мен өсу жағдайына байланысты 30 см-ден 2 метрге дейін. Үлкендеу көшеттер көгалдандыруда, аумақтарды абаттандыруда, сыртқы бейнесі және сәнділігі маңызды бақтар мен саябақтарда қолданылады; жасыл желектерді құруды жергілікті атқарушы органдар ғылыми ұйымдардың ұсынымдары негізінде жүзеге асырады; көшеттерді отырғызу елді мекеннің бас жоспарына сәйкес ортақ пайдаланылатын жерлерде жүргізіледі.
