Шымкентте бірінші тоқсанда он бір мыңнан астам отбасыға атаулы әлеуметтік көмек тағайындалған, деп хабарлайды қалалық ақпараттық — коммуникациялық орталығына сілтеме жасаған no-comment.kz ақпараттық агенттігі.
Мемлекеттік атаулы әлеуметтік көмек 2022 жылдың 1 тоқсан қорытындысы бойынша мемлекеттік атаулы әлеуметтік көмек алуға аз қамтамасыз етілген 11 679 отбасыға (57 407 адам) тағайындалды.
2022 жылдың 2 тоқсаны, яғни сәуір айы бойынша мемлекеттік атаулы әлеуметтік 4 431 аз қамтамасыз етілген отбасыға (20 762 адам) тағайындалған.
Бұл туралы Шымкент қаласы жұмыспен қамту және әлеуметтік қорғау басқармасының басшысы Балмаржан Полатқызы Нарбекова қалалық қоғамдық кеңестің отырысында баяндады.
Анықтама:
АӘК отбасының әрбір мүшесіне кедейлік шегінен аспайтын жан басына шаққандағы орташа табысы бар азаматтарға тағайындалады.
Бүгінгі күні кедейлік шегі күнкөріс деңгейінің 70% деңгейінде немесе 2022 жылдың 2 тоқсанына орта есеппен 25 402,3 теңге болып белгіленді .
Осылайша, бір адамға (отбасына) келетін АӘК-тің мөлшері жан басына шаққандағы орташа кіріс пен әр мүшесіне негізделген белгіленген кедейлік шегінің арасындағы айырма ретінде есептеледі.
Мемлекеттік атаулы әлеуметтік көмек алушылардың 1-6 жас аралығындағы балаларына 2022 жылға кепілдендірілген әлеуметтік топтамамен орта есеппен 45 673 баланы қамтамасыз ету жоспарланған.
Атаулы әлеуметтік көмек алушылар қатарынан 16 033 азамат жұмысқа жарамды, оның ішінде өтініш берген кезде 12 193 азамат жүгіну кезінде жұмысы барлар.
— 73 адам нәтижелі жұмыспен қамтудың белсенді шараларына қатысқан.
Атап айтсақ:
— 44 тұрақты жұмыс орындарына;
— 27 қоғамдық жұмыстарға;
— 2 жастар практикасына.
Сондай-ақ «Балалар жылына» орай қалалық Дене шынықтыру және спорт басқармасының қолдауымен Әл-Фараби ауданында апта сайын аулаларда спорттық жарыстар ұйымдастырылып келеді.
Балалар арасында кезекті аула чемпионаты Байтұрсынов көшесі 90 А үйдің ауласында спорттың 7 түрінен өтті. Асық ату, ләнгі тебу, турникке тартылу, баскетбол, арқан тартыс, секіру сынды спорт түрлерінен бақ сынаған балалар алғыс хаттар және сыйлықтармен марапатталды.
Мұндағы ең басты мақсат– жастарды ұялы телефон мен компьютерлік ойындардан арылтып, салауатты өмір салтын қалыптастыру, бүлдіршіндердің уақытын тиімді пайдалану.
