Биыл Шымкент қаласы бойынша «2020-2025» жылдарға арналған «Нұрлы жер» мемлекеттік тұрғын үй-коммуналдық даму бағдарламасы аясында 9 көпқабатты тұрғын үйдің жеделсатылары жаңартылады. Сонымен қатар жыл басынан бері 70-ке жуық лифтте қауіпсіздік сапасын бақылау мақсатында Қалалық орта сапасы және бақылау басқармасы тарапынан сынақ жұмыстары жүргізілді. Нәтижесінде 9 жеделсаты тіркеуге алынып, қалғандарында талапқа сәйкестендіру жүзеге асырылуда.
Басқарма тарапынан сондай-ақ, жеделсатылардың техникалық жағдайын тексеру шаралары қарқынды жүргізілуде. Мамандар қауіпсіздік талаптарын қадағалау мақсатында Тұран-2 шағын ауданы #55 А және Нұрсат шағын ауданындағы #219 үй тұрғындары мен аудан әкімдігі және қызмет көрсетуші мекеме өкілдерімен бірлесе лифттердің жағдайын бақылады. Бұған аталған мекенжайлар бойынша IKomek 109 бірыңғай байланыс орталығына тұрғындардан өтініштердің жиі түсетіндігі негіз болған. Кездесу қорытындысы бойынша басқарма басшысы Нұрдәулет Құрбанбекұлы кемшіліктерді жоюға қатысты тиісті мамандарға бірқатар тапсырмаларды жүктеді.
Жалпы, Шымкент қаласында 639 лифт бар. Оның ішінде 515 жеделсаты көпқабатты тұрғын үйлерде орнатылған. Жүк көтергіштер істен шығып немесе оқыс оқиға орын алған жағдайда «IKOMEK» орталығына 109 қысқа нөмірі арқылы хабарласу қажет. Байланыс орталығында тұрғын үйлердің тізімі мен жауапты мекеме қызметкерлері бекітілген.
Лифтілердің қауіпсіз пайдаланылуын ҚР Инвестициалар және даму министрінің 2014 жылғы 30 желтоқсандағы № 359 бұйрығымен бекітілген «Жүк көтергіш механизмдерді пайдалангу кезіндегі өнеркәсіптік қауіпсіздікті қамтамасыз ету қағидалары» сәйкес жүргізеледі.
Сондықтан бекітілген Ереженің талаптарына байлданысты лифтіні іске қоспас бұрын көтергіш механизмнің иесі (сертификатталған орнатушы) толық техникалық құжаттаманы ұсынылуы тиіс.
Барлық ұйымдастыру іс-шаралары жүргізілгеннен кейін ғана мемлекеттік тіркеуге өтінім беріледі. Тіркеу мемлекеттік қызметтерді көрсету стандарттарына сәйкес Е-gov платформасында электрондық форматта жүзеге асырылады. Яғни, әрбір лифт, эскалатор немесе фуникуляр мемлекеттік бақылауда, деп хабарлайды қала әкімінің баспасөз қызметіне сілтеме жасаған no-comment.kz.
