Бүгін белгілі саясаттанушы Мерует Төлебаева әлеуметтік желідегі парақшасында жаңадан бастау алған «Bappen soile» атты жоба жөнінде пікір білдірді. Онда саясаттанушы қазақ тілді аудиторияға сапалы, тәжірибеге негізделген құқықтық ақпарат беріп, осы саладағы сауаттылықты арттыруға бағытталған жобаны жан-жақты талқылайды.
Бұл жобаны 10 жылдық тәжірибесі бар кәсіби заң консультанты Сағидолла Баймұрат жүргізеді. Ол қарапайым тілмен заң жобаларының талқылануына қалай үлес қосуға болатынын, мемлекеттік шешімдердің қалай қабылданатанын түсіндіреді. Бұл мәселес саясаттанушы Меруерт Төлебаеваның назарынан тыс қалмаған.
Сонымен қатар, саясаттанушы жақында «Аманат» фракциясы VII шақырылымның III сессиясында талқылауға тұратын өте қызықты заң жобаларын басталатанынан хабардар еткен. Онда «Жол қозғалысы бойынша Қазақстан Республикасының кейбір заңнамалық актілеріне өзгерістер мен толықтырулар енгізу туралы» заң жария талқыға салынбақ. Сонымен қатар Меруерт Төлебаева еңбек даулары мен шиеленістерді шешу тәртібін жеңілдетуге, ақпараттық қауіпсіздік мәселелеріне, отбасыларға жан-жақты көмек көрсетуге, ойын бизнесіне және басқа да көптеген өзгерістер енгізетін заң жобалары талқылауға шығарылатынын атап өтті. Саясаттанушы өз жазбасының соңында азаматтарды маңызды жария заң жобаларын белсенді талқылауға шақырды.
