Еңбекші ауданы жастар ресурстық орталығының ұйымдастыруымен Қазыбек би атындағы №36 жалпы орта білім беретін мектеп жастары Әдет ғұрып және салт-дәстүр орталығында экскурсияда болды.
Экскурсия мақсаты – болашақ жасөспірімдерге қаламыздағы белгілі орындар мен тарихи мекендерді кеңінен насихаттау, ұмыт болып бара жатқан салт-дәстүрлерімізді қайта жаңғырту, ұлттық руханиятымызды кеңінен насихаттау.
Әдет ғұрып және салт-дәстүр орталығын аралаған оқушылар ең алдымен орталық жұмысымен танысып, сондағы әрбір салт-дәстүрден сыр шертер заттардың шығу тарихымен таныс болды.
Сонымен қатар, Жастар ресурстық орталығының ұйымдастыруымен түрлі мамандық иелерінің бір күндік жұмыс барысы «Профнавигация» жобасы айдарында көрсетіледі. Ол болашақ жас буынның мамандық таңдаудағы білімін арттырып, қосымша ақпарат көздерімен қамтиды.
Ал бүгінгі кезекті айдарымызда дәнекерлеуші мамандығының оқытушысы - Юлдашев Иқтиярмен сұхбат ұйымдастырылды.
Жобаның мақсаты - жалпы білім беру мекелерінің жоғары сынып оқушылары үшін кәсіптік бағдар беру, мансаптық траекторияны құру.
Иқтияр – бала кезінен дәнекерлеуші болуды арман етіп, осы салаға оқуға түскен. Бүгінде ол Шымкент қаласындағы №2 Түркістан индустриалды құрылыс колледжінде оқытушысы болып қызмет етеді. «Мен осы саланы оқып, тастай темірдің өзін балқытып, түрлі дүниелер жасаймын. Ол менің – сүйікті ісім. Қазіргі мақсатым – өзім секілді дәнекерлеуді жақсы көретін, білікті маман даярлау» - деді.
Сондай-ақ, Еңбекші ауданы жастар ресурстық орталығының ұйымдастыруымен «Волонтер күнделігі» жобасы ұйымдастырылды. Біздің кезекті кейіпкеріміз «Харекет» қайырымдылық қорының волонтері - Аружан Ғалымқызы.
Жобаның мақсаты – жастардың бос уақытын тиімді ұйымдастыру және еріктілікке баулу.
—Менің еріктілікпен айналысып жүргеніме 1 жылдан астам уақыт болды. Осы жыл аралығында қордың көптеген игі жұмыстарын көріп, өзімде сондай игі достар таптым. Бүгін де мен өзімнің бос уақытымды тиімді өткізіп, қайырымдылық істерімен айналысудамын, - деді жас ерікті Аружан.
Достар, сіздер де еріктілікпен айналысып, уақыттарыңызды тиімді өткізгілеріңіз келсе орталығымыздың ерікті жастары қатарына қосылыңыз!
ЕҢБЕКШІ АУДАНЫ ЖАСТАРЫНА ЭКСКУРСИЯ ҰЙЫМДАСТЫРЫЛДЫ
