Жергілікті полиция қызметінің мәліметінше, «Құқықтық тәртіп» кең ауқымды жедел-алдын алу іс-шарасының төрт күнінің ішінде полицияның алдыңғы саптағы және жедел бөлімшелері «ізін суытпай» 82 қылмыстың бетін ашты, оның 9-ы қоғамдық орындарда жасалған, ал 39-ы бұрын жасалған қылмыстар.
Сонымен қатар, 7 мың 202 әкімшілік құқық бұзушылық анықталып, жолы кесілді.
Атап айтқанда: 184 ұсақ бұзақылық, 748 алкогольдік ішімдіктерді ішу дерегі, 257 - тыныштықты бұзу, 238 кәмелетке толмаған балалардың түнгі уақытта ересек адамдардың еріп жүруінсіз жүруі, 1 мың 900 тіркеусіз тұру дерегі, 18 қасақана бөтен біреудің мүлкіне зиян келтіру, 867 қоғамдық пайдалану орындарын ластау дерегі және т.б.
Сонымен қатар, олар, қала жолдарында мас күйінде ұсталып, көлік жүргізу құқығынан айырылды.
Естеріңізге сала кетейік, құқық бұзушылыққа «мүлдем төзбеушілік» қағидатын нығайту, көшелерде және басқа да қоғамдық орындарда тиісті қоғамдық тәртіпті сақтау мақсатында ағымдағы жылдың 20-30 қарашасы аралығында қалада «Құқықтық тәртіп» жалпыреспубликалық жедел-алдын алу іс-шарасы өткізілуде. Ол вандализм деректерін, мүліктік залал келтіруді, ұсақ бұзақылықты, жол қозғалысы қауіпсіздігі саласындағы бұзушылықтарды анықтау және жолын кесуге, сондай-ақ тұрмыстық зорлық-зомбылық, оның ішінде кәмелетке толмағандарға қатысты құқық бұзушылықтардың алдын алуға бағытталған.
Алматы полициясы іс-шара басталғаннан бері отбасы-тұрмыстық қатынастар саласындағы 200-ден астам құқық бұзушылықтың жолын кесті
