Бүгін аудан әкімі Арман Абдуллаев Құркелес ауылдық округі, Нұрлы жол елді мекеніндегі мектептің құрылыс жұмысымен танысты.
Қазіргі таңда, нысанның ішкі әрлеу жұмыстары мен сыртқы арбаттандыру және қоршау жұмыстары жүргізілуде. Мердігер мекеме өкілі атқарылып жатқан құрылыс жұмыстарының жай-күйін баяндады. Жоспарға сәйкес, аталған білім мекемесінің нысанын тапсыру мерзімі ағымдағы өту жылдың соңына дейін.
Айта кетсек, осы күнге дейін пайдалануда болған №50 А.Омаров атындағы мектептің апаттық жағдайда болуына байланысты, 2022 жылы 300 орындық жаңа мектептің құрылысына қаржы бөлініп, қараша айында қазығы қағылған.
Құрылыс қарқынына куә болған аудан басшысы құрылыс жұмыстарын уақытылы әрі сапалы орындауды тапсырды.
Айта кететін, 2021 жылғы 13 қазанда Мемлекет басшысы Қасым-Жомарт Тоқаев ұлттық жобалардың тізбесін бекіту туралы жарлыққа қол қойды. 10 нақты Ұлттық жоба анықталды. Соның бірі – 2021-2025 жылдарға арналған «Сапалы білім» Білімді Ұлт» жобасы. Ұлттық жобада зияткерлік әлеуетті дамыту, қазақ тілін дамытуға жағдай жасау және жастарға жаңа мүмкіндіктер жасау сияқты мәселелер қамтылған.
«Сапалы білім» Білімді ұлт» ұлттық жобасы бес міндеттен, 15 көрсеткіштен және 26 шарадан тұрады. Жоба 2025 жылға дейінгі Ұлттық даму жоспарында және Мемлекет басшысының 2021 жылғы 1 қыркүйектегі «Халық бірлігі мен жүйелі реформалар – Қазақстан халқына Жолдауында» белгіленген міндеттерді жүзеге асыруға бағытталған. Атап айтқанда, Ұлттық жобада балаларды мектепке дейінгі тәрбиемен және оқытумен қамту, қала мен ауыл мектептері арасындағы білім сапасының алшақтығын азайту, оқушылар орнының тапшылығын шешу үшін мектептер салу, қауіпсіз және жайлы білім беру ортасын құру шаралары қарастырылған. Жобаның негізгі мақсаты – білім берудің барлық деңгейіндегі оқушылардың білім сапасын арттыру. Сондай-ақ, жедел шешім қабылдауды талап ететін және халықтың сұранысын қанағаттандыруға бағытталған мәселелер бойынша мемлекеттік бағдарламамен сабақтастық сақталады.
Еліміздегі білім беру саласының сапалы бола бастаған тұсы - 1991 жылдан кейін ғана қарқын алды. Осы аралықта жас өскелең ұрпақты әлемнің қазіргі сын-тегеуріндеріне дайындау үшін шексіз-шетсіз жұмыстар атқарылғанын жоққа шығара алмаймыз.
Ең алғашқы әрі елеулі жетістіктердің бірегейі - 12 жылдан тұратын мектептің бағдарламасы. Бұл, әрине, бастауыш және орта білім алушыларға тікелей байланысты. Сарапшы мамандардың пікіріне құлақ асатын болсақ, өзгеріс болашақ студенттерді мансапқа жету жолында қажетті білім мен дағдыларды толықтай меңгеруге үлкен мүмкіндік береді.
Келесі қадам шетелдік тәжірибелерді санаға сіңдіріп, ел келешегі үшін жұмсауға бағытталған "Болашақ" атауымен белгілі бағдарлама. Ол іске қосылған бойы Қазақстаннан 10 мыңға жуық стипендиат әлемнің атағы жер жарған оқу орындарына білім алуға аттанды. Әбден білім жинақтап, кемеліне келген тұста туған еліне қайта оралды.
Айта кететін маңызды жайт, бүгін де біздің ел ЭЫДҰ, ЮНЕСКО сияқты халықаралық ұйымдармен етене жақын қарым-қатынаста. Сонымен қатар біздің Үкімет экономикамыз бен қоғамдағы басқа да түрлі салалар үшін кәсіби әрі жоғары мамандарды дайындауда біздегі ЖОО-лардың сапасын, бюджетін, жағдайын жақсартуға күш жұмсап жатыр. Әсіресе, университеттердің инфрақұрылымын жетілдіріп, оларды заманауи құралдармен жабдықтауда айтарлықтай инвестициялар салып жатыр. Зерттеу және технологиялық орталықтарды мейлінше дамытуға жұмыстар жүргізуде.
Негізі адами ресурстарды даярлау және олардың сапасын жақсарту, мемлекет пен қоғам қажеттілігін қанағаттандыру үшін Тәуелсіздік жылдары білім берудің жаңа модельдері қалыптасты.
Оның ең үлкен дәлелі ретінде "Білімді ұлт”сапалы білім беру" ұлттық жобасын келтіруге әбден болады. Бұл ең алдымен мемлекеттің экономикалық әрі әлеуметтік әлеуетін арттыру және дамыту үшін зор маңызды иеленеді. Оның төңірегінде Білім беру сапасын арттыру, оған ақпараттық және коммуникациялық технологияларды енгізу, біліктілікті жыл сайын арттыру сияқты шаралар жүзеге асырылды. Сонымен қатар оқу бағдарламаларын жаңарту әрі жаңғырту, мектептер мен университеттердің техникалық-материалдық базасын дұрыстау, педагогтердің кәсібилігін еселеу, ең бастысы мүмкіндігі шектеулі немесе ерекше балаларға білім беру кезіндегі қолжетімділік, демографиялық мәселелер қарастырылды. Осы тұста аталған жаңалықтарға және өзгерістерге сүйене отырып, мынадай болжам жасауға болады:
- Білім деңгейінің сапасын арттыру;
- Мемлекеттің орныққан әлеуметтіа және экономикалық дамуын қамтамасыз ету үшін соған қабілетті білім жүйесін қалыпқа келтіру;
- Инноаациялар және ғылыми-зерттеуді дамыту үшін жағдай жасау;
- Әлемдік еңбек нарығында білікті әрі табысты, бәсекеге толықтай қабілетті кадрларды даярлау.
Осы еңбектердің нәтижесінде ғылымға деген жас ғалымдардың құлшынысы көбейіп келеді. Жасы 35-ке дейінгі ғалымдар саны 2011 жылы 6,4 мың адамнан асты, ал 2020 жылы олардың саны 8,1 мың адамға дейін өскені соған дәлел.
Халықаралық рейтингтік басылымдарда жас ғалымдардың жарияланымдық белсенділігінің айтарлықтай артқаны ерекше байқалады. Мәселен, бүгін қазақстандық ғалымдардың Scopus дерекқорындағы жарияланымдар саны 2011 жылмен салыстырғанда 34 есеге (577-ден 19 879-ға дейін), Web of Science дерекқорында 59 есеге (425-тен 25 088-ге дейін) өскен. Соңғы бес жыл ішінде қазақстандық ғалымдардың әрбір бесінші мақаласы әлемнің ғылыми журналдарының ең атақтылар мен үздігіне басылып шықты.
Аталған әрі айтылған жаңалықтардың барлығына еліміздің білім жүйесіндегі жаңару мен жаңғыртуларға қаншалықты күш салып жатқанының белгісі ретінде қарауға болады. Бастысы - ниет әрі дұрыс бағдар керек. Жоспар бар жерде нәтиже бар.
Қазіргі әлемде педагогикалық мамандықтар көбінесе беделді болмайды, бедел сәнге тең, бірақ төмен жалақы, үлкен жауапкершілік, қоғам алдындағы құқықтарды минималды иелену және мұғалімнің сенімсіздігі, бұл сәнді де, беделді де емес деген пікір бар. Қазір бұл мәселені шешудің жолдарын іздеу өте маңызды. Зерттеу нәтижесінде алынған мұғалімдердің қоғамдағы әлеуметтік мәртебесі туралы объективті ақпарат негізделген басқару шешімдерін қабылдауға және қазірдің өзінде жүзеге асырылып жатқан шараларға қатысты уақтылы кері байланыс алуға мүмкіндік береді, оның барысында мұғалімдердің идеяларының динамикасы, олардың кәсіптің беделін қабылдауы мен еңбекке қанағаттанушылығының қоғамның кең ауқымының идеяларымен байланысы талданады. Кәсіби қызмет адамның өмір сүру уақытының жақсы бөлігін алады, оның барысында кәсіби маман ретінде оның жеке басының белсенді дамуы жүреді. Инновациялық жағдайда жұмыс істеу қазіргі мұғалімнен құзыреттілікті дамытуды, максималды жұмыс қабілеттілігін және пайда болған өзгерістерге тез бейімделуді талап етеді. Кәсіби қызметті жүзеге асырудағы негізгі проблемалардың бірі-уақыттың жетіспеушілігі және оны тиімді бөлудегі қиындықтар. Осыған сүйене отырып, мұғалім мақсатқа жету үшін жұмыс уақытын және жеке уақытын дұрыс және ұтымды ұйымдастыруды үйренуі керек, бұл тиісінше жұмыс қабілеттілігін сақтауға және стресстің пайда болу мүмкіндігін болдырмауға мүмкіндік береді. Осылайша, қазіргі мұғалімге уақытты басқару негіздерін білу қажет. «Уақытты басқару» ұғымы уақытты басқаруды, яғни уақытты дұрыс жоспарлауды, дұрыс басымдықтарды белгілеуді, орындалған жұмысты уақытында бақылауды жүзеге асыруды және қажет болған жағдайда белгілі бір сабаққа жіберілген уақыт шеңберін түзетуді білдіреді.
Білім мен ғылым кез келген мемлекеттің даму, өркендеу көрсеткіші. Сондықтан да Тәуелсіз Ел атанған алғашқы күннен бастап білім, ғылым саласын әлемдік өркениет талаптарына сай сапалық жағынан жақсарту мақсатын қойып отыр. Бүгінде осы талап биігінен көрініп, елімізде білім, ғылым салалары айрықша даму жолына түсті.
АУДАН ӘКІМІ АРМАН АБДУЛЛАЕВ ҚҰРЫЛЫС ЖҰМЫСТАРЫНЫҢ БАРЫСЫН БАҚЫЛАДЫ
