Арыс қаласының білім бөліміне қарасты №32 Ә.Жангелдин атындағы білім беретін мектебінің биология пәні мұғалімі Орынбасар Фариданың жетекшілігімен "Таза табиғи орта - Қазақстан 2050 стратегиясын іске асырудың негіздері" бағыты бойынша 7 сынып оқушысы Қожан Ақниет "Борсық майының емдік қасиеттері" тақырыбында ғылыми жоба жазып, эксперименттік тәжірибе жүргізді.
Бұл жобада Қожан Ақниет борсық жануарына жалпы сипаттама бере отырып, борсық майының құрамын және оның емдік қасиеттері бар екендігін анықтап, келешек өскелең ұрпаққа пайдасыз дәрілердің орнын табиғи өнімдермен алмастыруды насихаттап, кеңес берді.
Ғылыми жұмысты жазудағы мақсаты: Борсық майының пайдалы жақтарын атап қана қоймай, сонымен бірге тұрмыста борсық майымен жасарудың және иммундық жүйені қалпына келтірудің, тиімді тәсілдерінен тәжірибе жасау, көрсету.
Нәтижесінде оқушының борсық майынан жасалған қол және бет кремі теріні құрғатпайды, ылғалдандырады, тіпті қолыңызды бірнеше рет жуғаннан кейін де қасиеттерін жоғалтпайды. Беттегі пигметтік дақтарды кетіреді. Ақниет жоғарыда айтылған тәжрибені анасына жасап көрді. Жетістік бар.
Сонымен бірге борсық майына басқада қоспаларды қосу арқылы жасалынған иммунитет көтеруші витаминнің арқасында өзінің қан құрамын көтеріп керемет нәтижеге жетті.
Міне, осындай табиғи өнім Ақниеттің отбасына қуаныш сыйлады. Борсық майы олардың жанұясы үшін бет және қол кремі және де имунитетті көтеруші витаминіне айналды.
Қазақ ғылымы дамуының негізгі күші – ғылыми-зерттеу институттары мен жоғары оқу орындары. Қазіргі таңда Қазақстанда ғылыми-зерттеу жұмыстарымен айналысатын 396 ұйым бар. ҚР Білім және ғылым министрлігінің жетекшілігімен еліміздегі оқу орындары жанынан ғылыми-зерттеу орталықтарының құрылуы да отандық ғылымның ілгерілеуіне өзіндік үлесін қосуда. ҚР Ғылым қоры желісі бойынша 2016 жылдан бастап ғылыми қызмет нәтижелері коммерцияландырылатын 151 жоба қаржыландырылады. Бүгінде 120-ден астам жоба сату кезеңіне шықты. Ұлттық статистика бюросының деректері бойынша, ғылым саласында қазіргі таңда 22 665 ғалым мен зерттеуші жұмыс істейді, олардың 35%-ының ғылыми немесе академиялық дәрежесі бар. Сондай-ақ ғылымға қызығушы азаматтарымыздың магистратура мен докторантурада өз білімдерін шыңдауы үшін және шет мемлекеттерде тағылымдамадан өтуі үшін арнайы гранттар да бөлінуде. Соңғы жылдары гранттардың саны өсумен қатар оларға берілетін стипендияның көлемі де айтарлықтай ұлғайып отыр. Мысалы, Қазақстан Республикасы Білім және ғылым министрлігінің дерегінше, 2021-2022 оқу жылында мемлекеттік тапсырыс бойынша магистратураға – 13 263, докторантураға – 1 890 грант бөлінген.
Қазақстан жоғары әрі сапалы экономикалық өсу бағытын ұстанады, бірақ оған ғылымсыз қол жеткізу, әрине, мүмкін емес. Алғашқы қадам жастарды ғылым мен білімге баулудан басталды. Үкімет дарындыларды іздеу мен қолдауға бағытталған бірқатар бағдарламалар мен іс-шараларды жүзеге асырып жатыр. Сондықтан қазіргі уақытта 40%-ға жуық студент, яғни тоғыз мың адам осы саланың биік белестерін бағындырып жүр. Бұл азаматтардың ел дамуына деген қызығушылықтарын тайға таңба басқандай анық көрсетеді.
Жаңа Қазақстан алдағы уақытта барлық салада жаңа қадамдар жасамақ. Жастар білімге ұмтылып, техниканың тілін жетік меңгеріп, алға қойған мақсаттарынан тайынбаса дейміз.
АРЫС: ҒЫЛЫМИ ЖОБА ЖҰМЫСЫНЫҢ ЭКСПЕРИМЕНТТІК ТӘЖІРИБЕСІ
