Шымкентте «Таза Қазақстан» республикалық экологиялық акциясы аясында «Өнегелі ұрпақ» апталығы өтіп жатыр, деп хабарлайды ақпарат агенттігі NO-COMMENT.KZ. Бұл апталықта түрлі атаулармен іс-шаралар ұйымдастырылып, апталықтың маңыздылығын аша түскендей.
Сондай іс-шараның бірі- «Ұрпағыңа қалдырған өнегең мол» атаумен өтуде. Осы атаумен өткізіліп жатқан іс-шара бойынша Д.Қонаев мұражайының ауласында тазалық жұмыстары ұйымдастырылды.
Іс-шараға қаланың белсенді жастары, студенттер және Тұран ауданының тұрғындары атсалысып, 80-ге жуық астам адам қатысты. Қала жастары мұражай аумағын қоқыстан тазартып, шөптерін орумен, мұражай ішінде шаң-тозаңды сүртіп, тазалық жұмыстарын жүргізумен айналысты.
Жастар тек қана тазалық жұмыстарын жүргізіп қойған жоқ, сонымен бірге Д.Қонаевтың өмірі мен қызметі жайлы пайдалы ақпараттар да алды.
Іс-шараға белгілі қоғам қайраткерлері Шәріпбек Жамалбек, Пернеев Ерназар және басқа да азаматтар қатысып, өз үлестерін қосты. Жастарға ақыл-өсиетін айтып, бағыт-бағдар берді.
Ал «Жастар рухы» жастар қанатының төрағасы Бекзат Төлебай іс-шара мен оның маңыздылығына тоқталып, жастарға берер тәлім-тәрбиесін ерекше атап өтті.
Сонымен қатар, белгілі қоғам қайраткерлерінің іс-шараға қатысуы қоғамдық көшбасшыларды қолдау мен экологиялық бастамаларға тартудың маңыздылығын атап өтті. Олардың үлгісі жастарды осындай іс-шараларға белсенді қатысуға шабыттандырды және қалада азаматтық белсенділіктің дамуын ынталандырды.
"Өнегелі ұрпақ" апталығы мәдени мұраны жинау және таныстыру уақыты ғана емес, сонымен қатар адамдар қоршаған ортаны және ата-баба мұрасын сақтауға ортақ ұмтылыспен біріктірілген қоғамдастықтың қалыптасу уақыты болды. Мұндай оқиғалар Әлеуметтік байланысты нығайтуға және қалалық табиғатқа қамқорлық мәдениетін дамытуға ықпал етеді.
«Өнегелі ұрпақ» апталығы: Жастар мұражай маңын тазалады әрі пайдалы ақпараттар алды
