Елдегі мемлекеттік саясатының негізгі басымдықтарының бірі - сыбайлас жемқорлықпен күрес болып табылады. Осы орайда, Шымкент Медресе колледжінде «Жемқорлықпен күрес - ортақ міндет» тақырыбында сыбайлас жемқорлыққа қарсы мобильді топпен кездесу өтті, деп хабарлайды NO-COMMENT.KZ ақпарат агенттігі.
Шымкент қаласының жастар ресурстық орталығының ұйымдастыруымен өткен іс-шараға ҚР Сыбайлас жемқорлыққа қарсы іс-қимыл агенттігінің Шымкент қаласы бойынша департаментінің Превенция басқармасының бас маманы Жұмабек Бағдат және Мәжинбеков Сакен және М.Әуезов атындағы Оңтүстік Қазақстан университетінің саясаттану кафедрасының меңгерушісі қатысып, сыбайлас жемқорлықпен күрестің негізгі қағидаларын сақтау және оны жүзеге асыруға жол бермеу туралы жеткізді.
Сондай-ақ оқу орынында мұғалімге немесе білім алушыларға пара ұсынған жағдайда қандай әкімшілік көздері қаралғандығына тоқталды.
Мамандар студенттер мен оқытушылар арасында сыбайлас жемқорлыққа нөлдік төзімділікті қалыптастырудың маңыздылығын атап өтті. Олар сыбайлас жемқорлықтың әр түрлі формаларын талқылады, олар кішігірім парадан бастап жүйелік теріс қылықтарға дейін және оның алдын-алу және жолын кесу әдістері туралы айтты.
Іс-шара барысында білім беру ортасындағы сыбайлас жемқорлық жағдайларының практикалық мысалдары ұсынылып, оқу орындарын басқарудағы ашықтық пен жауапкершілікті нығайту жөніндегі шаралар қаралды.
Студенттер сыбайлас жемқорлыққа қарсы күреске белсенді қатысуға дайын екендіктерін білдіріп, өздерінің оқу және кәсіби қызметінде адалдық пен әдептілік қағидаттарын сақтауға міндеттеме алды.
Кездесуді қорытындылай келе, ұйымдастырушылар өткізілген іс-шара сыбайлас жемқорлыққа қарсы күрес саласындағы ұзақ мерзімді ынтымақтастықтың бастамасы болады және білім беру ортасында осы мәселеге интегралды көзқарасты қалыптастыруға ықпал етеді деген үміт білдірді.
Жемқорлықпен күрес - ортақ міндет
