Түлкібас ауданында құс шаруашылығын дамытуға шаруалар тарапынан қызығушылық артып келеді. Солардың бірі «Ақбиік Агро» ауыл шаруашылығы өндірістік кооперативі. Аталмыш кооператив жылына орта есеппен 3 тоннаға жуық күрке тауық және қаз етін Шымкент қаласындағы сауда қатарларына 1600-1800 теңгеден өткізіп табыс табуда.
Кооператив жылына 2 500-ге жуық күрке тауық және 200-ден астам қаз жұмыртқасын арнайы инкуваторлық құрылғысы арқылы басып шығарады екен. Сосын, шыққан балапандарды өсіріп, аналығын алып қалады. Ал, қораздарын семіртіп етке өткізеді. Осы жүйе бойынша биылғы жылы да наурыз айында күрке тауық пен қаз басын көбейтуді жоспарлап отыр.
«No-comment.kz»-ақпарат
