ҚР Парламенті Сенатының депутаты Нұрлан Бекназаров Шымкент қаласына жұмыс сапары аясында бірқатар әлеуметтік нысандарды аралады.Оның ішінде бүгін Бозарық шағынауданында өзекті мәселелер бойынша тұрғындармен кездесіп, аз қамтылған отбасыларға арналған тұрғын үй құрылысымен танысты, деп хабарлайды No-comment.kz ақпарат агенттігі.
Шағынауданда 2022 жылы жұмыс істейтін жастарға арналған арендалық пәтерлер берілген. Кездесуде тұрғындар үйдің сапасына қатысты бірқатар мәселелерді жеткізіп, үйді бастапқы жарнамен ипотекалық бағытта рәсімдеу жөнінде өз ұсыныстарын айтты. Сондай-ақ, жол, терезелерді қымтау, кәріз мәселесін шешіп беруді сұрады.
Жиынға қалалық тұрғын үй, жолаушылар көлігі және автомобиль жолдары басқармасы, Полиция департаменті өкілдері қатысып, тұрғындардың мәселелеріне жауап берді. Жауапты мердігер мекеме өкілі бес жыл кепілдік мерзімі бойынша кемшіліктер кезең-кезіңмен шешіліп жатқанын айтады.
Аталған тұрғын үйлерді жекешелендіру мәселесі бойынша ұсыныс хат тиісті министрліктерге жолданғандығын сала мамандары түсіндіре отырып, алдағы уақытта Заң аясында тиісті шешімдер қабылданатындығын жеткізді.
Сенат депутаты ендігі ретте тұрғындарды аулаларды күтіп-ұстауға шақырды. Ал тұрғын үйдің құжаттарын рәсімдеу бойынша зерделеу жұмыстарын жүргізіп, бақылауға алатынын мәлімдеді.
Кездесу соңында Нұрлан Бекназаров туындаған мәселелерді жедел шешу үшін тұрғындар мен мемлекеттік органдар арасындағы тығыз өзара іс-қимылдың маңыздылығын атап өтті. Ол халықпен тұрақты кездесулер азаматтардың алдында тұрған проблемаларды неғұрлым тиімді анықтауға және жоюға мүмкіндік беретінін атап өтті.
Сондай-ақ, депутат шағын ауданның инфрақұрылымын жақсарту бойынша жұмысты жалғастыру қажеттігін атап өтіп, бірлескен күш-жігермен ғана елеулі нәтижелерге қол жеткізуге болатынын атап өтті. Тұрғындар өз кезегінде өз проблемаларына назар аударғаны үшін алғыс білдірді және өзекті мәселелерді шешуде одан әрі жәрдемдесуге үміттенеді.
