Спикер Сот төрелігі академиясында докторантураның ашылуы барлық қажетті аспектіні терең және егжей-тегжейлі пысықтаудың арқасында мүмкін болғанын атап өтті. Бұл ауқымды тарихи қадам болып табылады, өйткені ол алғаш рет судьялар мен заңгерлер үшін жаңа мансаптық және ғылыми перспективалар ашты. Жоғары оқу орнынан кейінгі білімнен бөлек Кеңес басшылығы қазіргі судьялардың біліктілігін арттыру мәселелеріне ерекше назар аударады. Осы жылдың басынан бері судьялар үшін олардың практикалық сұраныстарына барынша бейімделген дараланған курстар алғаш рет енгізілді. Сонымен қатар Аида Қайжақпарова көптеген халықаралық ұйымдар, сондай-ақ шетелдік серіктестер Академияға қызығушылық танытты.
«Кеңес пен сот төрелігі академиясына барғаннан кейін таяу шет елдер біздің тәжірибемізді зерделеп, судья кадрларын даярлау бойынша өздерінде осындай жоғары оқу орындарын құру үшін негіз ретінде алатын тәжірибе бар», - деп атап өтті ол.
Спикердің айтуынша, Мемлекет басшысы биылғы Жолдауында бүкіл қоғамға ғана емес, сонымен қатар Жоғарғы Сот Кеңесі мен Сот төрелігі академиясына да бағыт-бағдар берді.
«Кеңестің қолдауымен Ел Президентінің стратегиялық бағытын қолдай отырып, Академия білім беру процесіне заманауи цифрлық шешімдерді біріктіре бастады. Оқу процесін кешенді автоматтандыру үшін жаңа ақпараттық жүйе құрылып, енгізілуде. Сонымен бірге Академияда жасанды интеллект технологияларын — білім беру процесіне де, сот процестерін модельдеуге де, құқық қолдану практикасын талдауға да енгізу мәселесі пысықталуда. Мұның бәрі болашақ судьялардың жоғары кәсіби талаптарға сай болып қана қоймай, сонымен қатар қарқынды цифрлық прогресс жағдайында жұмыс істеуге дайын болуын қамтамасыз етуге бағытталған», — деді ол.
Сондай-ақ ағымдағы айда Академия тарихында алғаш рет мемлекеттік аттестаттау өткізіледі.
