Агроөнеркәсіп кешенін дамыту – ел экономикасының тұрақтылығын нығайтып, халықты сапалы әрі қолжетімді азық-түлікпен қамтамасыз етудің маңызды тетігі. Бұл бағытта ауыл шаруашылығы өндірісінің тиімділігін арттыру, заманауи технологияларды енгізу, отандық өнім көлемін ұлғайту және өңдеу өнеркәсібін дамыту айрықша маңызға ие.
Мемлекет басшысы өз Жолдауында ауыл шаруашылығының одан әрі қарқынды дамуына барлық күш-жігерді жұмылдыру қажеттігін атап өтті. Осы ретте аграрлық саланы жаңғырту, шаруаларды қолдау, инвестиция тарту және өндірістік әлеуетті арттыру – уақыт талабынан туындаған міндеттер.
Азық-түлік қауіпсіздігін қамтамасыз ету үшін ішкі нарықты отандық өніммен қамту, ауыл шаруашылығы тауарын өндірушілердің бәсекеге қабілеттілігін арттыру және өнімді сақтау мен өңдеу инфрақұрылымын жетілдіру маңызды. Бұл шаралар ауыл шаруашылығы саласының тұрақты дамуына, жаңа жұмыс орындарының ашылуына және халықтың әл-ауқатын арттыруға негіз болады.
Бүгінде агроөнеркәсіп кешенін дамыту тек экономикалық міндет қана емес, сонымен қатар елдің стратегиялық қауіпсіздігі мен әлеуметтік тұрақтылығының маңызды кепілі болып саналады. Сондықтан саладағы жүйелі жұмыстарды жалғастырып, ауыл шаруашылығының әлеуетін толық пайдалану – ортақ міндет.
