Қазір жаз маусымында балалардың үш ай жазғы демалысы, ересектердің еңбек демалысына орай серуендеу және шомылу уақыты. Яғни теңізде, бассейнде, су айдынында шомылсаңыз да, ешқашан судағы қауіпсіздік ережелері туралы ұмытпау керектігін ескергеніміз жөн, деп хабарлайды Шымкент қаласы әкімінің баспасөз қызметіне сілтеме жасаған no-comment.kz.
Осы мақсатта Қаратау ауданы әкімдігі мен аудандық төтенше жағдайлар басқармасымен бірге аудан аумағындағы бассейн аймағы бар нысандарды аралап, балаларға суда жүзу кезіндегі қауіпсіздік және жазатайым оқиға орын алған сәтте алғашқы көмек көрсету ережелерін кеңінен түсіндірді.
“Ыстық күні суға түсу қауіпті, бұл жүректің тоқтауына және естен тану қаупіне әкелуі мүмкін. Балалар немесе ересектердің су астында қарсылас ретінде аяғынан ұстап тартып, ойын ойнау бұл өте қауіпті. Шын мәнінде оқыс оқиғаға орын алуы мүмкін. Ал ещқандай қауіп-қатер туындамаса, жалған дабыл көтеріп, суға батып бара жатқандай көрініс жасаудың қажеті жоқ. Себебі шын қауіп туындаған кезде сізге сенбей қалуы мүмкін. Бұл ережелерді суға шомылушы әрбір бала білуі тиіс”,- дейді аудандық төтенше жағдайлар басқармасы өкілдері.
Еске сала кетейік, аудан және аудандық төтенше жағдайлар басқармасы тарапынан шомылу маусымы кезеңіндегі қауіпсіздік ережелерін сақтау бойынша түсіндірме жұмыстары тұрақты жүргізілуде.
Сонымен бірге, шомылуға тыйым салынған 13 су айдындары ресми түрде айқындалған. Олар «Текесу», «Ақжар» су қоймалары; «Бадам», «Сайрам», «Қарасу» өзендерінің барлық арнасы; «Шымкент магистральды каналы; «Янги-шек», «Азат», «Көкбұлақ», «Хауау», «Сасық» каналдары, «Қайнарбұлақ» жасанды көлі; «Қошқар ата» өзенінің (өзеннің бастауынан басқа) барлық арнасы.
Су айдынында қауіпсіздік ережелерін сақтаңыздар:
- Бейтаныс жерлерде шомылмаңыз;
- Суға мас күйінде түспеңіз;
- Балаларды судың маңайында қараусыз қалдырмаңыздар;
- Жүзу үшін тақтайша, камера, пенопласт, үрмелі матрастарды қолданбаңыз;
- Суда түсерде камераны, допты, тақтайшаны қолдануға;
- Жүзу білмесеңіз, суға беліңізден жоғары түспеңіз;
- Суда ойнауға;
- Түнде суға шомылмаңыздар;
- Жағалаудан алыс жүзіп кетпеңіз.
ШОМЫЛУШЫЛАРҒА КЕҢЕС!
- Суға абайлап түс.
- Жүзу білмесең, суға белден аса тереңдікке барма.
- Жалғыз шомылмауға тырыс.
- Егер де ағысы қатты суға түсіп кетсең, ағысқа қарсы жүзуге тырыспа, оған шамаң жетпейді. Мұндай жағдайда жағаға жақындайтындай болып ағыс бойымен жүзуің керек.
- Көмекке шақырудан ешқашан ұялма.
- Балалардың суға шомылуы тек ересектердің бақылауымен жүргізілуі керек.
Шомылуға рұқсат етілмеген орындарда және қала ішіндегі субұрқақтарға суға түсу адам өміріне қауіпті екенін ескертеміз!