Қошқар ата өзені - қала ортасындағы жер астынан бастау алатын бұлақ суы, ол Бадам өзеніне құйылады, деп хабарлайды NO-COMMENT.KZ ақпарат агенттігі.
2010 жылдан бастап бұл өзен қорғалатын табиғи аумақ болып саналады. Бүгінде өзен бастауынан Ордабасы алаңына дейін ірі қалпына келтіру жұмыстары жүргізіліп, 1,5 шақырымға жуық жер қала тұрғыындары мен қонақтары үшін серуендеуге арналған орын пайда болды.
Айта кетейік, судың бір ғажабы - жыл бойы температурасы бір қалыпта, яғни, +11 градус болып сақталып тұрады. Құрамында фтор, кальций, магний элементтері болғандықтан Қошқар ата өзенінің суы шипалы болып саналады. Көп адамдар дұға оқуға, су толтырып алуға, шомылуға келеді.
Еліміз бойынша жүріп жатқан экоакция аясындағы «Мөлдір бұлақ» апталығына орай Қошқар ата өзенінің маңайына тазалық жұмыстары жүргізілді. Өзеннен 100 текше метрге жуық қоқыс шығарылды Тұрмыстық қоқыс пен табиғи қалдықтардан тазалау жұмыстарына 7 арнайы техника, 10 адамнан құралған 2 бригада жұмылдырылды.
Жалпы қорғалатын табиғи аумақ болып саналатындықтан Шымкент қалалық Жайлы ортаны дамыту басқармасы Қошқар ата өзенін тазалау жұмысын күнделікті кестеге сәйкес жүргізіп отырады.
Өзен жағалауы көптеген адамдарды қызықтырады, бұл жерді экологиялық белсенділіктің орталығы ғана емес, сонымен қатар қалалық Ландшафттардың ішіндегі ерекше орынға айналдырады. Өзен тек маңызды экологиялық нысан ғана емес, сонымен қатар жергілікті билік қолдайтын және дамытатын қаланың маңызды мәдени мұрасы болып табылады. Уақыт өте келе ол қала тұрғындарының өмірінің ажырамас бөлігіне айналды, оларға табиғаттан ләззат алуға, демалуға және оған қамқорлық жасауға мүмкіндік берді. Жергілікті қауымдастықтар мен үкіметтердің күш-жігерінің арқасында өзен экологиялық сана мен жауапкершіліктің символына айналды, бұл барлық азаматтардың өмірін безендіруді және байытуды жалғастыратын жасыл және таза қалалық кеңістіктерге ықпал етті.
«Мөлдір бұлақ» апталығы: Қошқар ата өзенінің аумағы тазаланды
