Оның айтуынша, мемлекет кірісіне өндіріп алынған МСО атқарушылық санкциясының мөлшері 1,9 млрд теңгені құрады, бұл 2023 жылдың қорытындысына қарағанда 200 млн теңгеге артық.
Сот орындаушыларының орындауында 288 мың алимент өндіру ісі бар. Борышкерлердің 277 мыңнан астамы – ерлер, 11 мыңнан астамы – әйелдер. 143 мың алимент өндіру мерзімді өндіріп алуда, яғни борышкердің жұмыс орнынан ай сайын алимент төлемдері ұсталады.
«Проблемалық алименттер саны 12 мың өндірісті сомасы 17 млрд.теңгені құрайды. Бұл қарызды мүлдем өтемейтін борышкерлер. Осы жылдың 11 айында алимент бойынша өндіріп алынған берешек сомасы 7 млрд теңгеден асады. Алимент өндіріп алу туралы атқарушылық құжаттар бойынша мәжбүрлеп орындау шараларынан басқа, сот орындаушылары ішкі істер органдарының қызметкерлерімен бірлесіп, борышкерлердің автокөліктерін мамандандырылған арнайы айыппұл тұрағында ұстау бойынша рейдтік іс-шаралар жүргізеді. Кейін бұл көліктер бағалаланып, сатылымға шығарылады. Қазіргі уақытта ЖСО алимент бойынша берешекті өндіріп алуға болатын жасырын кірістер мен электрондық ақшаны тексереді», – деді спикер.
Борышкердің тұрақты жұмыс орнының не табысының болмауына байланысты проблемалық мәселелерді шешу мақсатында борышкерді жұмысқа орналастыруға жәрдемдесу бойынша жұмыс жүргізіледі. 2024 жылдың 11 айында бос жұмыс орындары жәрмеңкелерінде алимент бойынша 5 мыңнан астам борышкер жұмысқа орналастырылды, бұл өткен жылмен салыстырғанда 25%-ға артық.
Сот орындаушылары талапты орындамағандарды әкімшілік және қылмыстық жауапкершілікке тарту жөнінде шаралар қабылдайды. Жыл басынан бері 3 484 борышкер әкімшілік жауапкершілікке тартылды. ҚР Қылмыстық кодексінің 139-бабы бойынша 326 борышкер, 430-бабы бойынша 377 борышкер қылмыстық жауапкершілікке тартылды. 11 айда 6 мыңнан астам өтініш келіп түсті.
Сот орындаушысы жұмысының тиімділігі атқару процесін автоматтандыруға байланысты артады. Енді сот орындаушысы мәжбүрлеп орындаудың барлық шарасын қолданбағанша, өндіріп алушыға атқарушылық құжатты қайтара алмайды. Ағымдағы жылдың тамыз айында жеңілдетілген іс жүргізу іске қосылды, оның негізгі міндеті – азаматтарды істердің жекелеген санаттары бойынша ЖСО қызметіне ақы төлеуден босату жолымен оларға қаржылық жүктемені азайту.
«Бүгінгі таңда жеңілдетілген өндіріске әкімшілік айыппұлдар мен 20 АЕК-ке дейінгі салықтық берешектер жатады. Жүйе іске қосылғаннан бері 69 мыңнан астам құжат орындалды, мемлекет кірісіне шамамен 1,3 млрд теңге өндірілді. Азаматтар 349 млн теңгеден астам қаражат үнемдеді. Оң тәжірибені ескере отырып, жеңілдетілген өндіріс институтын қолдануды масштабтау жоспарлануда. Сондай-ақ ағымдағы жылдың желтоқсанында борышкерді іздестіру процесін автоматтандыру жүйесі іске қосылды», – деп атап өтті Ваисов.
Егер бұрын борышкерді іздеу туралы қаулы ішкі істер органдарына қағаз күйінде жіберілген болса, енді туралы қаулы шығарылғаннан кейін бірден автоматты түрде жіберіледі. Бұл интеграция борышкерлерді жедел іздеуге мүмкіндік береді.
