2026 жылғы 1 сәуірден бастап мемлекеттік қызметке қабылдау жүйесі жаңартылып, іріктеу процесі толық автоматтандырылған форматта жүргізіледі.
Конкурсқа қатысу үшін үміткерлер:
мемлекеттік тілді білу,
заңнаманы білу,
жеке қасиеттерін бағалау тестілеуінен өтеді.
Заңнаманы білу тесті:
ҚР Конституциясы
«Мемлекеттік қызмет туралы» Заң
«Сыбайлас жемқорлыққа қарсы іс-қимыл туралы» Заң
Мемлекеттік қызметшілердің Әдеп кодексі бойынша өткізіледі.
Тестілеу 55 сұрақтан тұрады. Өту үшін:
кемінде 30 дұрыс жауап,
әр заң бойынша кемінде 5 дұрыс жауап қажет.
Жеке қасиеттерді бағалау тесті 3 бағдарлама бойынша өтеді:
1-бағдарлама – басшылық лауазымдарға арналған.
Көшбасшылық, стратегиялық ойлау, жауапкершілік және нәтижеге бағдарлану сияқты 10 құзырет бағаланады.
2-бағдарлама – басшылық емес лауазымдарға арналған.
7 негізгі құзырет қамтылады.
3-бағдарлама – жұмыс өтілі талап етілмейтін төменгі әкімшілік лауазымдарға арналған.
Эмоционалдық, әлеуметтік және логикалық ойлау қабілеті бағаланады.
Тест нәтижелері 1 жыл бойы жарамды болады. Осы мерзім ішінде кандидаттар конкурстарға қатыса алады.
Жеке қасиеттерді бағалау тестін айына 3 ретке дейін тапсыруға мүмкіндік беріледі.
Конкурсқа ең жоғары балл жинаған 5 кандидат жіберіледі.
Құжаттарды растау кезінде:
электрондық еңбек кітапшасы,
диплом көшірмелері
eGovMobile және Kaspi.kz арқылы ұсыныла алады.
Білім туралы құжаттардың қосымшалары міндетті түрде қоса берілуі тиіс.
