«Кәрі құрлықтағы» тағы бір мәртебелі дода аяқталды. Бүгін түнде футболдан Еуропа Лигасының финалында испандық «Севилья» мен Италияның «Интері» кездесті. Германияның Кёльн қаласындағы «Рейн Энерги» аренасында өткен бұл матч нағыз финалдық ойынға тән өтті. Бірінші таймның өзінде-ақ қос команда бір-біріне екі бірдей доп соқты. Ал, екінші таймда қарсыластар сақ қиымлдады. Кез-келген сәтсіз қимыл, сәтсіз пас голға айналуы мүмкін екендігін сезді. Алайда, осы матчта фаворит саналған «Интер» ойыншыларының жүйкесі екінші таймда сыр берді. Нәтижесінде «Севилья» қарсыластарын 3:2 есебімен ұтып Еуропа Лигасының чемпионы атанды. Осылайша испандық клуб бұл кубокті алтыншы рет жеңіп алды.
No-comment.kz
