Португалиялық футболшы Криштиану Роналду коронавирустан жазылып, өзі өнер көрсететін «Ювентус» командасына «Специяны» жеңуге көмектесті.
А сериясындағы алтыншы кезеңнің кездесуіндегі матчта туриндік команда 4:1 есебімен қарсыластарын ойсырата жеңді. «Ювентус» сапынан голды Альваро Мората (14-ші минутта), Криштиану Роналду (59, 76-шы минутта, пенальтиден) және Адриан Рабьо (68-ші минутта) соқты. Ал, «Специя» командасынан Томмазо Побега 32-ші минутта жалғыз голдың авторы атанды.
Бұл ойыннан кейін «Ювентус» 12 ұпаймен турнир кестесінің үшінші орнына жайғасты. Ал, «Специя» 5 ұпаймен 17-ші орында тұр.
