«Мүгедектігі бар балаларды үй жағдайында оңалту» пилоттық жобасын іске асыру шеңберінде Абай, Қызылорда және Павлодар облыстарына, сондай-ақ Шымкент қаласына тірек-қимыл аппараты бұзылған балаларға беру үшін инновациялық техникалық оңалту құралдары жеткізілді, деп хабарлайды No-comment.kz - ҚР Еңбек және халықты әлеуметтік қорғау министрлігіне сілтеме жасап.
2023 жылғы 14 желтоқсанда «Қазақстан халқына» қоғамдық қоры, ҚР Еңбек және халықты әлеуметтік қорғау министрлігі және Әлеуметтік қорғау саласын дамытудың ұлттық ғылыми орталығы арасында оңалтудың инновациялық техникалық құралдарын сатып алу бойынша үшжақты меморандум жасалды және оларды мүгедектігі бар балаларға оңалтуды үй жағдайларында жүргізу кезеңіне, сондай-ақ баланың жағдайына сәйкес ОТҚ-ның басқа түріне ауыстыру бойынша өтеусіз жалға беру арқылы жүзеге асырылады.
«2023 жылдың маусым айынан бастап ҰҒО жарғылық қызметіне толықтырулар енгізу, штат кестесін әзірлеу, кадрларды іріктеу және мамандарды оқыту, оңалтудың техникалық құралдарын пайдалану бойынша әдістемелік ұсынымдар мен құралдарды, үй жағдайында оңалтуды жүргізу алгоритмін жасау және шығару бойынша ұйымдастыру-әдістемелік жұмыс жүргізілді», – деді Еңбекмині Инклюзия департаментінің директоры Альбина Боранбайқызы.
2023 жылдың қазан-қараша айларында, сондай-ақ осы жылдың шілде айында Ұлыбритания мен Санкт-Петербург қалаларынан келген мамандардың қатысуымен инновациялық ОТҚ іріктеу және пайдалану бойынша пилоттық өңірлердің мамандарын оқыту курстары өткізілді.
Қор инновациялық ОТҚ-ның 7 түрін сатып алды (көпфункционалды кресло-арбалардың 2 түрі, вертикализаторлардың 3 түрі, жүру имитаторы бар жүріс арбалары және буындарды шынықтыруға арналған тренажерлер).
Абай, Қызылорда және Павлодар облыстарындағы, сондай-ақ Шымкент қаласындағы ҰҒО филиалдарына инновациялық ОТҚ-ның алғашқы легі жеткізілді.
«Баланың заңды өкілі СМС-хабарлама алғаннан кейін 10 күн ішінде баланың қажеттілігін бағалау және инновациялық ОТҚ таңдау үшін ҰҒО филиалына жүгінеді. Мүгедектігі бар балалары бар отбасыларға оңалтудың үздіксіздігін қамтамасыз ету мақсатында инновациялық ОТҚ әзірленген әдістемелерге сәйкес үйде оңалтудың белгілі бір курсын жүргізу үшін өтеусіз жалға берілетін болады», – деп толықтырды Альбина Боранбайқызы.
