Бүгінде елімізде коронавирустың екінші толқыны болу қаупі бар екенін мамандар айтудай-ақ айтуда. Алайда, оған біз қаншалықты дайынбыз? Мәселен, Алматы халықаралық әуежайының күту залында бүгін түсірілген фотодан адамдар арасындағы қашықтық талаптары қаншалықты сақталғанын байқауға болады. Бұған кім жауапты? Әуежай әкімшілігі ме, әлде жолаушылардың өздері ме?
Коронавирус індетінің таралуына жол бермеу мақсатында тиісті жұмыстар дәл осы әуежайлар мен теміржол вокзалдарында қатаң жүргізілуі тиіс.
Айта кетейік, қыркүйек айында дәл осы Алматы халықаралық әуежайына Әкімшілік құқық бұзушылық туралы кодекстің 425-бабы 1-тармағына сәйкес 1 600 АЕК көлемінде айыпұл салынған болатын.
