2021 жылғы 10 шілдесінен бастап №2 қалалық аурухана инфекциялық стационар ретінде жұмыс істейді, деп хабарлайды Шымкент қаласы әкімдігінің баспасөз қызметі.
Медициналық мекеме ковидке шалдыққан науқастарды қабылдайтын болады.
Шымкент қаласының әкімі Мұрат Әйтенов аурухананың инфекциялық стационар ретінде дайындық барысымен танысып қайтты. Аурухананың бас дәрігері Туманов Қанаттың айтуынша, мұндағы инфекциялық стационар 250 төсек орынға дайындалған. Төсек орындардың барлығына оттегі нүктесімен қамтылып, үш айлық дәрілік қоры дайындалған. Мұнан бөлек 53 жасанды тыныс алу аппараты, КТ, цифрлы рентген сынды инфекцияға шалдыққан науқастарды емдеуге қажетті жабдықтардың барлығы бар. Ал, медицина мамандары науқастарға қажетті кислородты аурухананың жанынан ашылған оттегі цехынан тасымалдайтын болады. Өткен жылғы жағдайды ескере отырып, қала әкімі аурухана бас дәрігеріне ковидке шалдыққан науқастарды қабылдау барысын тағы да пысықтауды тапсырды.
