Шымкент қаласының «Достық» шағынауданында газ және кәріз жүйелерінің құрылыс жұмыстары кестеге сәйкес атқарылуда. Қала әкімі жүзеге асқан жұмыстардың барысын аралап көрді, деп хабарлайды Шымкент қаласы әкімдігінің баспасөз қызметі.
Шағынауданда кәріз жүйесімен қамту жұмыстарына жауапты мердігер – «Газовое хозяйствто «Шымкентгаз» ЖШС. Кəріз жүйелерінің ұзындығы – 51,3 шақырым. Бүгінде 40 % жұмыстар орындалған. Нысан құрылысын 2022 жылдың қазан айында аяқтау жоспарда.
Сонымен қатар, шағынауданда «ГХ Шымкентгаз» ЖШС тарапынан газ жүйелерінің құрылысы жүргізілуде. Газ жүйелерінің ұзындығы - 46,06 шақырым. Қазіргі таңда 50 % жұмыстар орындалды. Құрылыс жұмыстарын биыл қазан айында аяқтау жоспарлануда.
