"Nur Otan" партиясы республикалық партиялық бақылау комиссиясының төрағасы А.Платоновтың төрағалағымен бейнеконференция режимінде отырыс өтті, деп хабарлайды Nur Otan партиясының Шымкент қалалық филиалына сілтеме жасаған No-comment.kz
Отырысқа "Nur Otan" партиясы Шымкент қалалық филиалы төрағасының бірінші орынбасары Ж.Бектаева және қалалық кәсіпкерлік және индустриалды-инновациялық даму, жұмыспен қамту және әлеуметтік қорғау басқармалары мен Атамекен кәсіпкерлік палаиасының басшылары қатысты. Отырыстың күн тәртібінде «Еңбек» нәтижелі жұмыспен қамтуды және жаппай кәсіпкерлікті дамытудың 2016-2021 жылдарға арналған мемлекеттік бағдарламасының іске асырылуы және партия мүшелері болып табылатын орталық және жергілікті мемлекеттік органдардың лауазымды тұлғаларының қызметі бойынша жауапты министрліктің есебі тыңдалды. Отырыс қорытындысы бойынша комиссия мүшелері тарапынан бірқатар ұсыныстар беріліп, орындалуы бақылауға алынды.
