Алматы қаласында ұлттық қолөнерді қолдау және шығармашылық кәсіпкерліктің мүмкіндіктерін кеңейту бағытында цифрлық технологиялар пайдаланылуда. Осы мақсатта жергілікті шеберлердің өнімдерін танытуға арналған Sheber платформасы ұсынылды.
Бүгінде мегаполисте халық қолөнері мен сәндік-қолданбалы өнер саласында 2,4 мыңнан астам кәсіпкер жұмыс істейді. Олардың шығармашылық еңбегі ұлттық мәдени мұраны сақтауға және қаланың креативті экономикасын дамытуға үлес қосып келеді.
Sheber цифрлық платформасының басты мақсаты – қолөнер шеберлерін ортақ ақпараттық кеңістікке біріктіру. Жоба арқылы жергілікті кәсіпкерлер өз бұйымдарын кең аудиторияға таныстырып, жаңа тұтынушылармен байланыс орнатуға мүмкіндік алады.
Цифрлық шешім әсіресе шағын шығармашылық кәсіп иелері үшін маңызды. Себебі онлайн кеңістікте өнімдерді ұсыну дәстүрлі сауда тәсілдерін толықтырып, өткізу нарығын кеңейтуге жағдай жасайды.
Сонымен қатар платформа ұлттық нақыштағы бұйымдардың танымалдылығын арттырып, қолөнер дәстүрлерін заманауи форматта насихаттауға бағытталған. Бұл шеберлердің шығармашылық әлеуетін танытуға және олардың еңбегін бағалауға ықпал етеді.
Sheber жобасы мәдени құндылықтарды цифрлық мүмкіндіктермен ұштастырудың тиімді үлгісі болмақ. Осындай бастамалар Алматыдағы креативті индустрияның дамуына жаңа серпін беріп, жергілікті кәсіпкерлердің нарықтағы мүмкіндіктерін кеңейтеді.
Ұлттық қолөнерді цифрландыру арқылы дәстүрлі өнердің өміршеңдігін сақтап, оны жаңа буынға таныстыруға жол ашылады. Бұл бағыттағы жұмыстар Алматының мәдени ерекшелігін айқындап, шығармашылық экономикадағы әлеуетін нығайтуға мүмкіндік береді.
Алматыда ұлттық қолөнерді дамытуға арналған Sheber цифрлық платформасы ұсынылды
